+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
"Қазақ Елі" тарихи көпсериялық телевизиялық жобаның ірі масштабтағы түсірілімдері Алматы облысының Шошанай ауылында өтіп жатыр, - деп хабарлайды Tengrinews.kz тілшісі түсірілім орнынан.
"Қазақ Елі" тарихи көпсериялық телевизиялық жобаның ірі масштабтағы түсірілімдері Алматы облысының Шошанай ауылында өтіп жатыр, - деп хабарлайды Tengrinews.kz тілшісі түсірілім орнынан.
Ашық далада Керей мен Жәнібектің көштегі сәті түсірілді. Көш кезінің түсіріліміне 200-ден аса адам, 150 жылқы және 10 түйе қатыстырылған. Режиссер Рүстем Әбдрашевтің картинасының түсірілім жұмыстары ресми түрде 7 қыркүйекте Шәкен Айманов атындағы "Қазақфильм" киностудиясының территориясында басталған болатын. Команда "Қазақфильм" территориясындағы киіз үйлер мен сарайлардағы түсірілімдерді аяқтады. Ал 15 қарашада түсірілім тобы Қапшағайға аттанады.
"Қазақ елі" көпсериялық фильмінің 1465 жылы қазақ мемлекетінің құрылу кезеңін, Жәнібек пен Керейдің, олардың балалары Қасым мен Бұрындықтың билік еткен кезеңін қамтитыны белгілі. Фильм Ільяс Есенберлиннің "Көшпенділер" романының бірінші томы бойынша түсірілу үстінде. Режиссер Рүстем Әбдрашевтің айтуынша, қазіргі уақытта материалдың 40 пайызы түсірілді, монтажы қатар жасалып жатыр.
"550 жыл бұрын болған оқиға - Қазақ хандығының бөлінуі және жас мемлекеттің дамуы, - өте қауыр кезеңде болды. Бұл Алтын орда деген үлкен империяның құлаған сәтінде болды, соның салдарынан әлем картасында жаңа мемлекеттер пайда болды, сол замандағы көшбасшылардың бірі Қазақ хандығы", - деді Әбдрашев.
"Қазақ елі" фильмінің түсіріліміне мемлекеттік бюджеттен шамамен бір миллиард теңгенің бөлінгені белгілі. Сонымен қатар, жобаны меценаттар қолдап отыр, олар 100 миллион теңге шамасында қаражат жинаған.
"Тариихи картинаны жасау оңай емес, қазір әлемдік дағдарыстың кезі. Мұның бәрі әсер етті. Кешіктік, қиындықтар болды. Барлығымыз жұмылып, мақсатты орындағымыз келеді. Үлкен түсірілім тобымыз бұл істі махаббатпен, патриоттық сезіммен істеп жатыр. Біз қыруар қаржы таппаймыз. Алайда әр кадрдың кәсіби болып шығуы үшін қолымыздан келгенді жасап жатырмыз. Осы ірі жобаның бөлшегі болғаныма қуаныштымын", - деді Әбдрашев.
Картинада басты рольдерде Еркебұлан Дайыров (Жәнібек), Қайрат Кемалов (Керей), Аян Өтепберген (Бұрындық), Мейірғат Амангелдин (Қасым), Бекболат Тілеухан (Қазтуған), Досхан Жолжақсынов, Димаш Ахимов, Шұғыла Сапарғалиқызы (Керейдің әйелі), Мадина Ысманова (Жәнібектің әйелі) ойнайды. Сериалға қазақстандық әртістер ғана түспейді, сонымен қатар, Хакасия, Монғолия, Өзбекстанның актерлері де тартылады. Ал трюктерді анымал каскадер Жайдарбек Күнғожиновтың командасы жасайды.
