+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
10 қыркүйекте Sala Darsena кинотеатрында, 77-ші Венеция халықаралық кинофестивалінде режиссер Әділхан Ержановтың "Сары мысық" көркем фильмінің әлемдік премьерасы өтті, - деп хабарлайды Tengrinews.kz тілшісі.
10 қыркүйекте Sala Darsena кинотеатрында, 77-ші Венеция халықаралық кинофестивалінде режиссер Әділхан Ержановтың "Сары мысық" көркем фильмінің әлемдік премьерасы өтті, - деп хабарлайды Tengrinews.kz тілшісі.
Картина "Көкжиектер" конкурстық бағдарламасына қатысуда. Биылғы жылы әлемдегі ең ірі және беделді фестивальдердің бірі 2-12 қыркүйек аралығында пандемияға қарамастан толыққанды тірі форматта өтіп жатыр.
"Көкжиектер" халықаралық қазылар алқасын осы жылы аты аңызға айналған француз әйелі Клэр Дени ("Жақсы жұмыс", "Күнді кіргіз", "Жоғарғы қоғам") басқарып отыр. Картинаны Short Brothers (Қазақстан), "Қазақфильм" киностудиясы (Қазақстан) және Arizona Productions (Франция) компанияларының қатысуымен ZERDE FILMS (Қазақстан) компаниясы түсірген. Бас продюсерлер Әсел Сәдуақасова, Қанат Бектеміров және Ербол Тойбаев.
Фестивальде картинаны режиссер Әділхан Ержанов, бас продюсерлер Әсел Сәдуақасова мен Қанат Бектеміров, басты рөлдерді сомдаушылар Азамат Нығманов, Камила Нұғманова және Санжар Мәди, сондай-ақ продюсерлер Серік Әбішев, Ольга Хлащева және Гийом де Сиель таныстыруда.
"Менің ойымша, бүгінгі таңдағы Венецияның тірі форматы - бұл кез-келген фильм үшін ең күшті премьера және мен мұндай мүмкіндіктің біз үшін туындағанына өте қуаныштымын. Осындай жақсы жаңалықпен "Сары мысық" фильмінің бүкіл командасын құттықтаймын!", - деді режиссер Әділхан Ержанов.
"Венецияда көрсетілім ұйымдастыру - бұл біздің бүкіл команда үшін үлкен бақыт және орасан зор мақтаныш!", - деді фильмнің бас продюсері Әсел Сәдуақасова.
"Коронавирусқа қарамастан, біз осындамыз және бұл біз үшін үлкен қуаныш. Ең бастысы, қазір біздің фильміміз туралы бәрі естіп, мүмкіндігінше көп адамдар білуі керек. Бұл фильм толықтай өмір сүруі керек!", - деді актер Азамат Нығманов.
"Мен ең жағымды сезімге бөленіп отырмын. Қазір бүкіл әлем қиын уақытты бастан кешіруде, бірақ бұл қиындықтардың бәрін кино жеңіп шығуы керек деп сенемін!", - деді актер Санжар Мәди.
"Сары мысық" - режиссер Ержановтың көркем толықметражды 9-шы картинасы. Фильмнің түсірілімі өткен жылы Алматы облысында өтті. Фильм қазақстандық "Бонни мен Клайдтың" оқиғасын баяндайды. Жас жігіт Кермек түрмеден кейін туған қаласына оралып, бұл жерде бәрі өзгергенін байқайды – қалада аяусыз ережелер орнатқан қылмыстық топ билік етуде. Оның сүйіктісі Ева осы топтың қысымына түсіп, түзу жолдан тайған, ал ол өзі болса қылмысқа белшесінен батқан... Дегенмен, оның бір арманы бар - сүйіктісімен бірге бұл жерден қашып, кинотеатр салу. Және ол осы мақсатқа қол жеткізуді шешеді.
Қазақстан жаңалықтары. Соңғы жаңалықтар. Telegram желісінде бізге жазыл!
