+7 (777) 001 44 99
Қазақша
Русский
English
Жетісу облысының полицейлері 15 жылдан бері халықаралық іздеуде жүрген Қазақстан азаматын ұстады, - деп хабарлайды Tengrinews.kz тілшісі.
"Облыстық полиция департаментінің жедел уәкілдері Көксу ауданында 51 жастағы ер адамды ұстады. 2008 жылдан бері Ресейде есірткі қылмысына қатысы бар деген күдікпен Қазақстан азаматына мемлекетаралық іздеу жарияланған", - делінген хабарламада.
Қазақстан полициясы күдіктіні Ресей Федерациясының Красноярск өлкесінің полициясының сұрауы бойынша іздестірген.
"Күдіктінің тұрған жерін анықтау туралы ақпарат іздеу жариялаған тарапқа жіберілді. Істің барлық мән-жайы анықталғанша, анықталған адамға қатысты процессуалдық мәжбүрлеу шарасы - келу міндеттемесі таңдалды", - деп толықтырды ПД.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
