2 миллиард теңге жымқыру: Талдықорған білім бөлімінің тағы бір қызметкері қамауға алынды

Дина Шарипханова Корреспондент

Жетісу облысының білім беру жүйесінде ірі жымқыру туралы істе жаңа мән-жай анықталды. Жетісу облысы бойынша Антикоррупциялық қызмет Талдықорған қаласы Білім бөлімінің басшысына қатысты тергеу жүргізіп жатыр, - деп хабарлайды Tengrinews.kz тілшісі ведомство мәліметіне сілтеме жасап.

Жетісу облысының білім беру жүйесінде ірі жымқыру туралы істе жаңа мән-жай анықталды. Жетісу облысы бойынша Антикоррупциялық қызмет Талдықорған қаласы Білім бөлімінің басшысына қатысты тергеу жүргізіп жатыр, - деп хабарлайды Tengrinews.kz тілшісі ведомство мәліметіне сілтеме жасап.

"Ол Білім бөлімінде бюджет қаражатын ұрлау фактілерін жасырғаны үшін қарамағындағылардан 280 миллион теңге пара алды деген күдікке ілінген. Соттың санкциясымен күдікті қамауға алынды. Өз кезегінде пара берген адамдар бюджет қаражатын аса ірі мөлшерде ұрлау туралы іс бойынша негізгі айыпталушылар саналады және соттың санкциясымен қамауда ұсталған", - делінген хабарламада.

Соталды тергеп-тексеру жалғасып жатыр, күдіктілерге қатысты олардың кінәсінің дәрежесін айқындай отырып, түпкілікті үкімді сот шығаратын болады.

ҚПК-нің 201-бабына сәйкес тергеу мүддесі үшін өзге ақпарат жарияланбайды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Талдықорған Сыбайлас жемқорлық