+7 (777) 001 44 99
Қазақша
Русский
English
90 жастағы кемпірді зорлады делінген 31 жастағы Астана тұрғыны тұтқындалды, - деп хабарлайды Tengrinews.kz тілшісі Ақмола облысы ішкі істер департаментіне сілтеме жасап. Тергеу деректері бойынша, оқиға Ақмола облысы Зеренді ауданында болған. Жас жігіт зейнеткер тұратын үйдің терезесін сындырып кіріп, оны зорлаған.
Қылмыскерді іздеу жұмысы 2015 жылдың 22 сәуірінде сәтті аяқталды. Осы жылдар ішінде күдікті еліміздің әр аймағында жасырынып келген. "Осыған дейін де ол қылмыстық жауапкершілікке тартылған. Бірақ оқиға соңы екі тараптың ымыраға келуімен аяқталды. Қазір тергеу амалдары жүріп жатыр", - делінген баспасөз хабарламасында. Ақмола облысы ІІД деректері бойынша, кезекшілік күнінде "Құқық тәртібі" шұғыл іздестіру шаралары кезінде үш қылмыскер ұсталып, бұрын жасалған 17 қылмыстың беті ашылды.
Осыған дейін Шымкентте үш ер адамға мектептің екі оқушысын зорлады деген күдік келдгені хабарланған болатын. Күдіктілер ұсталды. "Зорланған қыздардың айтуынша, оларды белгісіз үш ер адам зорлаған. Оларды ұстау бойынша шаралар жүргізілді. Қазіргі уақытта олар Шымкенттегі Қаратау аудандық ішкі істер бөлімінде түсініктеме жазып жатыр", - деді ОҚО ІІД мемлекеттік тіл және ақпарат басқармасының жетекшісі Салтанат Қаракөзова.
