+7 (777) 001 44 99
Қазақша
Русский
English
Алматы облысы Есік қаласындағы атысқа қатысқан күдіктілер анықталды. Бұл туралы облыстық ПД хабарлады, - деп хабарлайды Tengrinews.kz тілшісі.
1992-1999 жылы туған үш күдікті қамауға алынды. Олардың бәрі жергілікті тұрғындар және бұрын қылмыстық жауапкершілікке тартылған.
"Негізгі күдікті бірінші тәулік ішінде ұсталды. Қалған екеуі кеше ұсталды. Үшеуі де уақытша ұстау изоляторына қамалды. Жанжалда қолданылған атыс қаруы тәркіленіп, айғақ ретінде тергеу материалдарына қосылды", - деді Алматы облысының Полиция департаменті бастығының орынбасары Эльдар Әбдікенов.
Сурет: Алматы облысы ПД
Еске салайық, 23 шілдеге қараған түні Есік тұрғындары қала көшелерінен мылтық даусын естіген. Тексеруден кейін полиция 18 және 30 жастағы екі ер адамның оқ жарақатымен жергілікті ауруханаға жеткізілгенін анықтады. Кейінірек зардап шеккендердің бірінің қаза болғаны белгілі болды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
