Полицейлер жаяу жүргіншіні қағып кеткен полковниктің ұлы жауапкершіліктен құтыла алмайтынын айтады, - деп хабарлайды Tengrinews.kz тілшісі ОҚО ІІД-нің баспасөз қызметіне сілтеме жасап.
Баспасөз қызметі өкілдерінің мәліметі бойынша, сараптама қорытындысы бойынша жүргізушіге қатысты бұлтартпау шарасы таңдалады. Қазір заң бойынша ер адам бостандықта жүр. "ЖКО-ға күдікті жүргізуші оқиға орнынан жасырынған жоқ. Жедел жәрдемді өзі шақырды. Қазір оның бостандықта болуы заңға қайшы емес", - дейді ІІД-нің ресми өкілі Салтанат Қаракөзова.
Күдіктінің әкесі ОҚО ІІД-нің жедел жоспарлау бөлімінде қызмет ететіні белгілі болды.
Айта кетейік, 1 мамырда түнгі уақытта жолдан өтіп бара жатқан Николай Саркисянды көлік қағып кеткен. Жүргізуші жедел жәрдем келгенше алғашқы көмек көрсетуге тырысқан. Болған жаңдай бақылау камераларына түспеген. Бұл дерек бойынша ҚР ҚК-нің 345-бабы бойынша сотқа дейінгі тергеу жүріп жатыр.
Ал марқұм Николай Саркисянның туыстары оларға ақша беріп, кешірімін алуға тырысып жатқанын айтады.