+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Ақмола облысында 2014 жылы әйелдерге қатысты заңға қайшы әрекетке барғаны үшін 1400-ден астам адам әкімшілік жауапкершілікке тартылды, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап.
Ақмола облысында 2014 жылы әйелдерге қатысты заңға қайшы әрекетке барғаны үшін 1400-ден астам адам әкімшілік жауапкершілікке тартылды, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап.
Тәртіп сақшыларының айтуынша, мұндай оқиғаларға, негізінен, отбасылық-тұрмыстық қатынастардағы жанжалдар мен жеккөрініш себеп. Әрбір бесінші қылмыс алкогольден мас күйде жасалады және әйелдерге қатысты заңға қайшы әрекеттерге қызғаныш та жиі себеп болады.
"Әрдайым өткізіліп отыратын алдын алу шараларының нәтижесі өз пайдасын әкеліп жатыр. Өткен жылы әйелдерге дене зақымын келтіргені үшін 227 құқықбұзушы, отбасылық-тұрмыстық қатынастар саласындағы заңға қайшы әрекеттері үшін 1463 адам әкімшілік жауапкершілікке тартылды", - делінген хабарламада.
Бұған қоса, отбасында жанжал шығаратын 2468 еркекке қатысты әйелдерді іздестіруге, аңдуға немесе телефон шалуға тыйым салу ұйғарымы енгізілді. Бұл ережелерді бұзған 46 адам жауапқа тартылды.
Еске сала кетейік, мұндай оқиғалар республиканың барлық дерлік өңірінде жиі тіркеледі. Тұрмыстық жанжалдардың арты өлімге соқтырып жатады. Мәселен, осыған дейін Алматы облысында алты баласын балалар үйіне өткізген әйелді күйеуінің пышақтап өлтіргені жайлы хабарланған болатын. Ұрыс-керіс пен алауыздықтан өз отбасынан бөлек тұрып келген азамат әйелінің алты баланы балалар үйіне өткізгенін білгеннен кейін оны ұрып-соғып, пышақтаған. Алған жарақатынан әйел оқиға орнында қайтыс болды. Бұдан кейін ол қылмысын жасырмақ ниетте мәйіт пен оның жеке құжаттары мен қылмыс жасаған құралдарын түрлі жаққа апарып көмген. Бірақ өз айыбын мойындап, аудандық ішкі істер басқармасына барған.
Осыған ұқсас жағдай өткен жылдың сәуір айында Орал қаласында да болды. Орман алқабындағы "ВАЗ-2101" автокөлігінің ішінен полицейлер мойны пышақпен кесіліп, мерт болған 25 жастағы қыздың мәйітін тапты. Қаза тапқан қыздың қасында 30 жастағы ер адам болған. Полицейлер бұл жігіттің де көкірек тұсы мен іші жараланғанын анықтады. Тәртіп сақшылары келгенде әйелі өлі күйінде, ал ер адам жаралы күйінде табылды. Ауыл тұрғындары тәртіп сақшыларына ерлі-зайыптылардың ажырасуды жоспарлап жүргенін де айтты. Ерлі-зайыптының екі кішкентай баласы бар.
