22 мамыр 2015 | 10:59

Ақмола облысында 76 жастағы зейнеткер келінін сотқа берді

Ақмола облысында 76 жастағы зейнеткер келінін сотқа берді, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап.

Ақмола облысында 76 жастағы зейнеткер келінін сотқа берді, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап.

Баспасөз қызметінің мәліметінше, 21 мамыр күні зейнеткер өз мүлкін қайтару үшін полицияға арызданды. Оның айтуынша, келіні оны алдап, бар мүлкін өз атына жаздырып алған.

"Көкшетау қалалық ІІБ кезекші бөліміне зейнеткер келіп келінін қылмыстық жауапкершілікке тартуды сұрады. Келіні енесінің бар мүлкін өз атына шығарып қана қоймай, карточкасындағы 225 мың теңгесін алып алған", - делінген полицияның хабарламасында.

Айта кетейік, әйелге қатысты ҚР ҚК 190-бабы 1-бөлігі "Алаяқтық" бойынша қылмыстық іс қозғалды. Бұл бап бойынша оған 1000 АЕК көлімінде айыппұл салынады немесе 2 жылға дейін бас бостандығына шектеу қойылады, тіпті 2 жылға дейін сотталып, мүлкі тәркіленуі мүмкін.

Құқық қорғау органдары Жылжымайтын мүлік Ақмола облысы Айыппұл

TENGRI travel