+7 (777) 001 44 99
Қазақша
Русский
English
Ақтауда №55 балабақшасының тәрбиешілері балаларды тоқпақпен тәрбиелеген, - деп хабарлайды КТК телеарнасы.
Телеарнаның мәліметінше, тәрбиешілер балаларды тіпті сағат бойына орындықтан тұрғызбай, себепсіз қол жұмсаған.
Бейнежазбаны көрген ата-аналар жағасын ұстап отыр. Мұндағы тәрбиешілердің кішкентайларды сағаттап орындыққа отырғызып қойғаны анық көрініп тұр дейді. Сондай-ақ, тәрбиешілердің сусынды екі стақаннан ішуін талап еткен екені айтылады. Ал ішіп тауыса алмағандарды жазалайды екен. Мұндай сұмдықты көрген ата-аналар балаларының не себепті балабақшадан қашатынын енді түсіндік деп отыр. Тәрбиешілердің жауыздығына ашынып, енді мектепке дейінгі мекеме қызметкерлерін түгел сотқа бермекші.
"Мен шыны керек видеоны қарай алмадым. Баламның тәрбиешісі және басқа топтың тәрбиешісі келіп кішкентайымның басынан ұрғанын қарап тұрудың өзі сұмдық. Тіпті ешқандай ойыншықтармен ойнатпайтыны, тәрбиешілер кішкентайларды қараусыз қалдыратыны анық көрініп тұр", - дейді ата-аналардың бірі Назым Түгелбаева.
