+7 (777) 001 44 99
Қазақша
Русский
English
Қазақша
Русский
English
Әлеуметтік желілерде соққыға жығылған ер адамның видеосы тарады. Ол қылмыскер болуы мүмкін екені айтылды. Авторлардың айтуынша, ол Ақтау жағалауында қызға тиіспек болған, бірақ сол маңнан өтіп бара жатқан адамдар оны тоқтатқан, - деп хабарлайды Tengrinews.kz тілшісі.
Куәгерлердің айтуынша, оқиға қараңғы уақытта болған. Көмекке шақырған дауысты естіген куәгерлер қызға араша түскен көрінеді. Ер адамдар күдіктіні тоқтатып, оны полицияға тапсырған. Куәгерлер оқиғаны видеоға түсіріп үлгерген. Кадрлардан полиция келгенге дейін күдіктінің соққыға жығылғанын көруге болады.
Маңғыстау облысының Полиция департаменті оқиға 11 наурызда болғанын мәлімдеді.
"Видеодағы зорлауға оқталу дерегі бойынша шұғыл түрде қылмыстық іс қозғалды. Полиция қызметкерлері күдіктіні ұстады және оны уақытша ұстау изоляторына қамады. Тергеу аяқталып, айыптау қорытындысымен прокуратура арқылы сотқа жолданды", – деп хабарлады ведомство.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
