+7 (777) 001 44 99
Қазақша
Русский
English
Ақтауда медициналық сақтандыру қоры қалалық филиалының басшысы қамауға алынды. Ол 17,5 миллион теңге жымқырды деген күдікке ілінген. Онымен бірге бұл іске медициналық фирмалардың бірінің директорының да қатысы бар, - деп хабарлайды Tengrinews.kz тілшісі "Астана" телеарнасына сілтеме жасап.
Компания қормен тегін медициналық көмек көлемі шеңберінде медициналық қызметтерді сатып алу шартын жасасқан. Денсаулық сақтау министрлігінің базасына емделу немесе дәрігердің кеңесін алған адамдар туралы жалған мәліметтер енгізілген.
"Азаматтарға тегін медициналық көмек көрсетілді деп тіркелген, бірақ іс жүзінде бұл қызметтер көрсетілмеген. Бүгінгі күні күдікті адам қамауға алынды. Тергеу жалғасып жатыр", - деді Маңғыстау облысының прокуроры Руфат Құттықов.
Ұсталған Руслан Бектібаев бұрын облыстық денсаулық сақтау басқармасын басқарған. Оның тергеу изоляторына қамалғанына 2 ай болды.
Филиалдың бұрынғы директорына мүлкі тәркіленіп, 7 жылдан 12 жылға дейін бас бостандығынан айырылу қаупі төніп тұр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
