+7 (777) 001 44 99
Қазақша
Русский
English
Ақтөбеде екі жігіт көлік ұрлап, жол апатына ұшырады, - деп хабарлайды Tengrinews.kz тілшісі полиция департаменті баспасөз қызметіне сілтеме жасап.
29 шілдеде шамамен түнгі 01:05-те екі жігіт ВАЗ 2110 автокөлігін ұрлап кеткен. Көлік иесі Заречный ауданындағы азық-түлік дүкендерінің біріне келіп, көлікті сөндірместен зат алуға кіріп кеткен. Осы кезде екі жігіт автокөлікті ұрлап, оқиға орнынан қашып кеткен.
Бірнеше шақырым жүргеннен соң Орск - Ақтөбе айналма жолда, көлік ұрылары басқаруды игере алмай, жолдан шығып кеткен. Жол-көлік оқиғасы салдарынан жолаушы алған жарақатынан жедел жәрдем каретасында ауруханаға барар жолда қайтыс болған. Көлік тізгінінде болған күдікті уақытша ұстау изоляторына қамалды. Осы дерекке қатысты ҚР Қылмыстық кодексінің 200-бабы ("Автомобильдi немесе өзге де көлiк құралын жымқыру мақсатынсыз құқыққа сыйымсыз иеленіп алу") бойынша сотқа дейінгі тергеу шаралары жүргізіліп жатыр.
