+7 (777) 001 44 99
Қазақша
Русский
English
Алматы облысының тұрғыны зорлауға күдікті ретінде үшінші рет ұсталып отыр, - деп хабарлайды Tengrinews.kz тілшісі облыстық ІІД-нің баспасөз қызметіне сідтеме жасап.
Алакөл ауданының полицейлері кәмелетке толмаған қызды зорлауға күдікті 30 жастағы ер адамды ұстаған. 17 жастағы Шығыс Қазақстан облысының тұрғыны Алматы облысының туыстарының үйіне қонаққа келген.
"Күдіктіні тексеру кезінде оның мұның алдында да бірнеше рет осы тектес қылмыс үшін істі болғаны анықталды", - дейді баспасөз қызметінің өкілдері.
Полицияның мәліметі бойынша, 2013 жылы ер адам 2013 жылы тонау мен зорлық үшін сотталған. 2017 жылдың көктемінде ер адам тағы да зорлық үшін ұсталған, алайда, тараптардың келісімге келуіне байланысты босатылған болатын.
"Соңғы дерек бойынша қылмыстық іс қозғалды. Қазіргі кезде күдіктіге бұлтарпау шарасы таңдалып жатыр", - дейді полицейлер.
