+7 (777) 001 44 99
Қазақша
Русский
English
Әділет басқармасының бұрынғы бастығы өз сыбайласымен бірге жалған құжаттарды жасап, елорданың іргесінде 6,4 миллиард теңгенің 379 гектар жерін заңсыз иемденіп алды, деп хабарлайды Tengrinews.kz тілшісі ҚР Экономикалық қылмысқа және сыбайлас жемқорлыққа қарсы күрес агенттігінің (қаржы полициясы) Астана қаласы бойынша департаментіне сілтеме жасап.
Бүгінде әділет басқармасының бұрынғы бастығы Долдин 4 жылға бас бостындығынан айыру жазасына шартты түрде кесілсе, оның сыбайласы - Ақмола облысы Целиноград ауданының тұрғыны Ахметов 4 жылға жалпы колонияға тоғытылатын болды. Оған қоса, оның жеке мүлкі тәркіленбек.
"Олар жалған құжаттардың негізінде Ильинка кентінің солтүстік-шығыс жағында 379 гектар жерді заңсыз иеленген. Сөйтіп, мемлекетке 6,4 миллиард теңгеге шығын келтірді. Бүгінде аталған жер телімі мемлекет меншігіне қайтарылды", - делінген қаржы полициясының ресми хабарламасында.
