+7 (777) 001 44 99
Қазақша
Русский
English
Алаяқтар Қазақстанның халық әртісі Роза Рымбаеваның атын пайдалып, ақша "таратқаны" белгілі болды, - деп хабарлайды Tengrinews.kz тілшісі.
Алаяқтар әншінің атынан челлендж өткізіп, 7500 теңге таратылатынын айтқан.
Олар Instаgram желісіндегі акканунтқа алғаш тіркелген 900 қазақстандыққа 7500 теңге берілетінін хабарлаған. Ол үшін желі қолданушылары аккаунтқа жазылып, жазбадағы комментарийде жеке мәліметін қалдыруы керек болған.
Роза Рымбаеваның ұлы Әли Окапов бұл ақпаратты жоққа шығарып, отбасының бұл шараға қатысы жоқ екенін жеткізді.
"Бұл фейк. Оған алданбаңыздар. Осы жолы алаяқтар анамның атын пайдаланып жатыр. @roza_rymbaeva_komek @roza_rymbaeva_darit_10milion - мұның барлығы жалған", - деді Әли Окапов.
Ол бұл аккаунттарға шағым түсіріп, бұғаттап тастауға кеңес берді.
Қазақстан жаңалықтары. Соңғы жаңалықтар. Telegram желісінде бізге жазыл!
