+7 (777) 001 44 99
Қазақша
Русский
English
Анасымен жанжалдасқан кезде анасына көсеу лақтырған Алматы облысы Райымбек ауданы Кеген ауылының 42 жастағы тұрғыны қылмыстық жауапкершілікке тартылады, - деп хабарлайды Tengrinews.kz тілшісі өңірлік ІІД баспасөз қызметіне сілтеме жасап.
Полицияның мәліметінше, әйел адам ауруханаға түсті. Облыстық ІІД баспасөз қызметінің мәліметінше, 18 желтоқсанда 67 жастағы әйел дәрігерлердің көмегіне жүгінген. Әйел түрлі соққы алып, миы шайқалған.
"Зардап шеккен әйел бастапқыда денесіндегі жарақаттарды қай жерде және қалай алғанын жасырмақшы болған. Бірақ тәртіп сақшылары оны өз ұлы ұрып-соққанын анықтады. 1975 жылғы ер адам анасымен бірге тұрған. Ол бірден ұсталып, аудандық полицияға жеткізілген. Райымбек аудандық полиция бөлімшесіндегілер осы дерек бойынша қыдмыстық тергеу бастады", - деп хабарлады өңірлік ІІД баспасөз қызметіндегілер.
Сондай-ақ, полициядағылар күдіктінің егде жастағы анасын мас күйде ұрып-соққанын анықтады.
