+7 (777) 001 44 99
Қазақша
Русский
English
Алматы облысында Райымбек ауданының бұрынғы әкіміне пара алғаны үшін 22 миллион теңге айыппұл салынды, - деп хабарлайды Tengrinews.kz тілшісі облыстық соттың баспасөз қызметіне сілтеме жасап.
Іс материалы бойынша, ол әкімнің орынбасарынан жер телімі үшін 370 мың теңге пара алған.
"2015 жылы 10 тамыздағы сот үкіміне сәйкес К. Төлепбердиев ҚР ҚК 366-бабы, 2-тармағында қарастырылған қылмысқа барғаны үшін кінәлі деп танылды. Оған 22 200 000 көлемінде айыппұл салу жазасы тағайындалды", - делінген хабарламада.
Сонымен қатар, мемлекетке кіріс әкелу үшін жеке мүлкін тәркілеу және басқару органдары мен мемлекеттік қызметте жұмыс істеу құқығынан өмір бойына айыру жазалары қолданылды. Сот үкімі күшіне енді.
