+7 (777) 001 44 99
Қазақша
Русский
English
Алматы полициясы қала ортасында травматикалық қарудан оқ атқан бұзақыны ұстады, - деп хабарлайды Tengrinews.kz тілшісі ІІД баспасөз қызметіне сілтеме жасап.
Оқиға 24 тамызда Гоголь мен Абылай хан көшелерінің қиылысында болды. Екі таныс жігіт дауласып қалып, араларында қақтығыс туған. Олардың бірі травмат қаруын қолданғаннан кейін оқиға орнынан қашып кеткен еді.
Полиция бұзақының аты-жөнін анықтап, ұстады. Ол Алматының 23 жастағы тұрғыны болып шықты. "Қазір жауап алынып жатыр. Травмат қаруының оның атына тіркелгені анықталды", - деді ІІД өкілдері. "Бұзақылық" бабы бойынша сотқа дейінгі тергеу амалдары басталды. Ұсталған жігіт уақытша ұстау изоляторына қамалды.
Сонымен қатар, Алматы полициясы республика бойынша травматикалық және газды-травматикалық қарулар үшін қайтарымды сатып алу акциясының жүріп жатқанын еске салды. Бүгінге дейін Алматы полициясына 11 мың 755 травматикалық қару түскен.
