+7 (777) 001 44 99
Қазақша
Русский
English
Алматы полициясы бүгін түнде жаяу жүргіншіні қағып өлтірген жүргізушіні іздестіріп жатыр, - деп хабарлайды Tengrinews.kz тілшісі. Алматы қалалық ІІД баспасөз қызметінің мәліметінше, полиция жол апатына кінәлі адамды іздестіріп жатыр.
"Бүгін түнде сағат 2.30-да "Теректі" мен "Ақбұлақ" ықшамаудандарынан кейінгі айналмалы жолда жүргізуші жаяу жүргіншіні қағып кеткен. Ер адам оқиға орнында көз жұмған. Қаза болған ер адам шамамен 40-45 жаста. Қазіргі уақытта оның кім екені анықталып жатыр. Жүргізуші оқиға орнынан жасырынған", - деді Алматы қалалық ІІД ресми өкілі Салтанат Әзірбек.
Қазіргі уақытта ҚР Қылмыстық кодексінің екі бабы бойынша - "Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы" және "Жол-көлiк оқиғасы болған жерден кетіп қалу" сотқа дейінгі тергеу басталды.
