+7 (777) 001 44 99
Қазақша
Русский
English
Алматыдағы әл-Фараби даңғылында жеңіл көліктер мен жол талғамайтын көліктердің кортежі түсірілген видео таралып жатыр, - деп хабарлайды Tengrinews.kz тілшісі.
Видеоны әлеуметтік желіде блогер Александр Цой жариялады. Видеода мемлекеттік нөмірі жоқ көліктерді көруге болады.
"Біздің полиция қызмтекерлері ІІМ реформалары мен қылмыс деңгейін азайту мақсатында жұмыс істеп жатқан кезде Алматы тәртіпсіздікке толған қала айналып жатыр. Мұнда сені тапа-тал түсте тонап, көлік айнасы үшін өлтіріп кетуі мүмкін. (...) Күндіз орталық көшеде мемлекеттік нөмірі жоқ, көлеңкеленген терезелермен және арнайы дабылдарды қосып қойып, артқа қарай қозғалып, жолаушыларды тасымалдау ережелерін бұзған көліктердің салдарынан жолдан келеңсіздік болды. Ал былайша, ия, бізде қылмыс деңгейі азайып жатыр", - деп жазған блогер видеоның сипаттамасына.
Ескерту! Видеода бейәдеп сөздер бар!
Полиция қызметкелері видеодағы адамдардың іздестіріліп жатқанын айтады.
"Әкімшілік полиция басқармасының мамандандырылған батальоны осы видеодағы адамдарды іздестіруге кірісті. Шаралар қолданылып жатыр. Барлығы жазаланады", - деп хабарлады Алматы қалалық ІІД баспасөз қызметінің өкілдері.
