Алматыда мас жолаушы такси жүргізушісіне пышақпен шабуыл жасады

Айдос Қосыбаев

видеодан үзінді

Алматыда мас жолаушы такси жүргізушісіне көлік орындығын бұлғауына байланысты қосымша ақы талап еткені үшін пышақпен шабуыл жасады, - деп хабарлайды Tengrinews.kz тілшісі қалалық ПД баспасөз қызметіне сілтеме жасап.

Алматыда мас жолаушы такси жүргізушісіне көлік орындығын бұлғауына байланысты қосымша ақы талап еткені үшін пышақпен шабуыл жасады, - деп хабарлайды Tengrinews.kz тілшісі қалалық ПД баспасөз қызметіне сілтеме жасап.

2020 жылы 12 қаңтарда зардап шеккен такси жүргізушісі - азамат Б. 1987 жылғы Шұғыла ықшамауданындағы тұрғын үй кешендерінің біріне екі баласымен отырған отбасылық жұпты апара жатқан. Жолаушылар көліктен түсе бастағанда жүргізуші қозғалыс кезінде балалардың бірі көлік орындығына құсқанын байқап, көлікті жуу үшін қосымша ақы сұраған.

"Осындай талаптан кейін жүргізуші Б.-мен клиент - азамат С. 1989 жылғы мас күйде болған ер адам арасында жанжал шыққан. Сонымен қатар, ер адам әйелі мен балаларын үйге кіргізіп, қосымша ақыны алып шығатынын айтқан. Кепілге ол ұялы телефонын қалдырып кеткен.

Бес-жеті минуттан соң азамат С. аулаға шығып такси жүргізушісіне пышақпен екі рет соққы жасаған. Бірінші соққы оның сол қолының шынтағына тиген, ал екіншісі қарнына тиген. Осыдан кейін азамат Б. шабуылдаған ер адамнан қаша бастаған", - делінген полиция хабарламасында.

Осы дерекке қатысты Наурызбай аудандық полиция басқармасы сотқа дейінгі тергеу шараларын бастады. Күдікті ұсталды.