+7 (777) 001 44 99
Қазақша
Русский
English
Алматыда төлем терминалын бұзу сәті видеоға түсіп қалды, - деп хабарлайды Tengrinews.kz тілшісі.
Алматыда бүгін түнде шамамен сағат екілерде Абай даңғылы мен Момышұлы көшесінің қиылысында белгісіз ер адам азық-түлік дүкеніне көше жақтан кіреберістегі терминалды тонамақшы болған. Ер адам бастапқыда есікті бұзып, дүкенге кірген. Кейіннен терминалды бұза бастаған.
"Біз ақшаны шығара алмау үшін осылай әдейі жасадық. Біздің дабылымыз жұмыс істеді, арнайы күзет қызметкерлері оқиға орнына бес минуттан соң жетіп келді. Терминалдың мониторындағы жақтауды алып тастаған ұры ақшалардың қосымша ақша салатын жерде екенін көрген. Содан ұры оқиға орнында екі минуттай болып, терминалды бұзып тастап, дүкеннен қашып кеткен", - деді дүкеннің директоры Дархан Шынғожин. Оның айтуынша, бұл осымен екінші рет болып отырған жағдай.
Сонымен қатар, дүкен директорының айтуынша, түнде терминалда шамамен 80 мың теңге болыпты. Дегенмен, ұры ол ақшаларды ала алмаған. Ал дүкеннің иесі полицейлерге хабар берді.
