+7 (777) 001 44 99
Қазақша
Русский
English
Алматыда тергеу мәліметінше, банк есепшотынан 155 миллион теңге ұрлады делінген хакерлер сотталып жатыр, - деп хабарлайды Tengrinews.kz тілшісі Алматы қалалық сотының ақпаратпен қамтамасыз ету бөлімінің басшысы Дияс Махамбетовқа сілтеме жасап.
Сот отырысы Жетісу ауданының №2 сотында өтіп жатыр. Сот алдына екі күдікті келіп отыр: Александр Митин мен Руслан Хусаинов. Олар ҚР Қылмыстық кодексінің 188-бабының 4-бөлігі бойынша ("Ұрлық", ақпараттық жүйеге заңсыз кіру не телекоммуникациялар желісі бойынша берілетін ақпаратты өзгерту жолымен жасалған ұрлық) күдікті деп танылды.
Құқық қорғау органдарының мәліметінше, сотталушылар 2015 жылдың сәуір айында интернет-банкинг пен арнайы электрондық бағдарламаларды қолдану арқылы жеке компаниядағы банк есепшотының паролін бұзып, 155 миллион теңге ұрлаған", - деді Дияс Махамбетов.
Айта кетейік, қазіргі уақытта Митин мен Хусаинов қамауға алынды. Сот отырысы 4 қаңтарға белгіленді.
Сондай-ақ, осы қылмыстық іспен қатар сотта тағы бір киберқылмысқа қатысты іс қаралып жатыр. Тергеу мәліметінше, сотталушылар Бас прокуратураның, Салық комитетінің және Қаржы министрлігінің атынан вирус таратқан.
