+7 (777) 001 44 99
Қазақша
Русский
English
Қазақша
Русский
English
Алматы облысында бүтін бір отбасы қызымызды суицидке итермеледі деп полицияда жұмыс істейтін күйеу баласын және оның отбасын айыптап отыр, - деп хабарлайды КТК телеарнасы.
Телеарна мәліметінше, 21 жастағы мұғалім Гүлмайса Жақыбаева Жаркенттің шетіндегі үйден асылып қалған күйі табылған. Жас келіншек күйеуімен жанжалдасып қалған соң төркініне келіпті. Ал келесі күні таңда өзіне қол салған. Жақындары дереу жедел жәрдем шақырғанымен, 21 жастағы келіншекті ажалдан арашалап қалу мүмкін болмаған.
21 жастағы мұғалімнің отбасының айтуынша, Гүлмайса Жақыбаеваны күйеуі мен ата-енесі қорқытып, 13 миллион теңге ұрлықты мойнына алуға мәжбүрлеген. Тіпті, сәбиінен бас тартқызған екен. Осыған қорланған 21 жастағы келіншек төркінінің үйінде асылып қалған. Видеоүндеу жазып, әлеуметтік желіге таратқан марқұмның анасы жергілікті полицияның тергеуді әділ жүргізетініне сенбей отыр.
Марқұм бір жарым жұл бұрын Жанат есімді полицей жігітке тұрмысқа шыққан екен. Ата-анасының айтуынша, оны суицидке итермелеген жағдай бір апта бұрын болған. Сол күні Жанат Қуанышбаев келіншегін сотқа апарып, өзгенің қылмысын мәжбүрлі түрде мойындатқан көрінеді.
"Бұны әбден қорқытқан, өзі де бұрыннан қорқады екен ғой, бізге білдіртпей жүрген. Қағазды жазғызған. Ол қағазға: "Мен 13 миллион теңге ұрладым, ұрлағаным рас, мойындаймын" деп жазғызған", - дейді марқұмның анасы Ардақ Жақыбаева.
Одан бөлек, күйеуі "Бес айлық баламнан бас тартамын" деп жазғызған. Марқұмның әбден қорқып тұрғанын көріп, соттағылар қағазды қабылдамаған. Ал күйеуі қолхатты қыздың ата-анасына көрсетіпті.
Ата-анасының сөзінше, олар жағдайға полицей күйеу баласын ғана емес оның отбасын да кінәлайды.
"Жазбаның бәрін өзгертпекші болған ғой, сот-медициналық сараптаманы. Өйткені мына жерде электрошокпен күйдірген ізі бар дейді, қолы көгерген", - дейді марқұмның әпкесі Кәмшат Жақыбаева.
Телеарна мәліметінше, Гүлмайса Жақыбаеваның өліміне байланысты "Өзiн-өзi өлтiруге дейiн жеткiзу" бабымен қылмыстық іс қозғалыпты. Ал Жанат Қуанышбаев аяқ астынан денсаулығына байланысты демалысқа кеткен.
"Қазір күдікті болып танылған жоқ. Қорғануға құқығы бар адам ретінде, куә ретінде жауап алынған. Сотқа дейінгі тергеп-тексеру енді басталды. Біз қажетті сараптамаларды тағайындадық. Солардың қорытындысын ала келе, заңды шешім қабылдаймыз", - дейді Панфилов аудандық ПБ бастығының орынбасары Айдар Әбдірахманұлы.
