+7 (777) 001 44 99
Қазақша
Русский
English
Сатушының айтуынша, дүкенге келген сатып алушы мас болған, соңы кісі өлімімен аяқталған жанжал туғызған, - деп хабарлайды Tengrinews.kz тілшісі КТК телеарнасына сілтеме жасап.
Облыстық ДП мәліметінше, 17 қазанда сағат 10 шамасында Қарасай аудандық полиция бөлімінің кезекші бөліміне Қарасай ауданы, Тұрар ауылындағы дүкендердің бірінен зорлық-зомбылық белгілері бар ер адамның мәйіті табылғаны туралы хабарлама түскен.
"Оқиға орнына барған тергеу-жедел тобы бұл ақпаратты растады. Тергеушілер жедел-криминалистика департаменті, учаскелік полиция қызметкерлерімен бірге марқұмның жеке басын анықтады. Ол - 54 жастағы Тұрар ауылының тұрғыны. Осыдан кейін Жібек жолы ауылының 39 жастағы тұрғыны ұсталды, ол басында бәрін жоққа шығарғанымен, кейін дәлелдерді көрсеткеннен кейін кісі өлтіргенін мойындап, қылмыс құралы - пышағын берді", - деді облыстық ДП.
Дүкен сатушысы мен сатып алушы арасында жанжал туындағаны белгілі болды, нәтижесінде сатушы сатып алушының кеудесінен пышақпен ұрған. Күдікті уақытша ұстау изоляторына қамалды. Оған қатысты ҚК-нің 99-бабының 1-бөлігі "Адам өлтіру" бойынша сотқа дейінгі тергеу жүргізіліп жатыр.
Бұған дейін Оңтүстік Кореяның Чонджу қаласындағы төбелес кезінде Қазақстан азаматы пышақ жарақатынан қайтыс болған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
