+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматы облысының екі тұрғыны танысын ұрлағаны және қатыгездікпен өлтіргені үшін сотталды. Істің мән-жайын облыстың қылмыстық істер жөніндегі мамандандырылған ауданаралық сотының баспасөз қызметі хабарлады, - деп хабарлайды Tengrinews.kz тілшісі.
Алматы облысының екі тұрғыны танысын ұрлағаны және қатыгездікпен өлтіргені үшін сотталды. Істің мән-жайын облыстың қылмыстық істер жөніндегі мамандандырылған ауданаралық сотының баспасөз қызметі хабарлады, - деп хабарлайды Tengrinews.kz тілшісі.
Сот кісі өлтіру себебі жеке дұшпандық болуына байланысты екенін анықтады. 2020 жылдың 4 мамырында сотталушылар жәбірленушіні үйінен шығарып, көлікке отыруға мәжбүрлеген. Кейін Ескелді ауданының Матай Байысов ауылына алып келген. Сол жерде адам өлтірген.
Сотталушылардың бірі кінәсін мойындамай ақтап шығаруды сұрады. Екіншісі - кісі өлтіргенін мойындады, бірақ соттан жазаны жеңілдететін мән-жайларды ескеріп (кішкентай балаларының болуы), істі қайта қарауды сұрады.
Сотталғандарға 2021 жылы 15 наурызда үкім шығарылды.
"Сот талқылауы кезінде прокурор сотталушы С-ға 20 жыл бас бостандығынан айыру және сотталушы Б-ға 19 жыл бас бостандығынан айыру түрінде түпкілікті жаза тағайындауды сұрады.
Сот іс бойынша жиналған дәлелдерді, оның ішінде сот сарапшылары қорытындыларын, куәлар мен сотталушылар айғақтарын ескере отырып, сотталушы Б-ға жазаны жеңілдететін мән-жайларды (балаларының болуы) және сотталушылардың қылмыстық жауаптылығы мен жазасын ауырлататын мән-жайларды (төтенше жағдай кезінде қылмыстық құқық бұзушылық жасау) ескере отырып, оларды кінәлі деп таныды.
Сотталушыларға жазаларды ішінара қосу негізінде 18 жыл (сотталушы С-ға) және 17 жыл (сотталушы Б-ға) бас бостандығынан айыру жазасы тағайындалды", - деп хабарлады қылмыстық істер жөніндегі мамандандырылған ауданаралық сотының баспасөз қызметі өкілдері.
Сондай-ақ сотталғандар зардап шегуші тарапқа 1,323 миллион теңге мөлшерінде ортақ материалдық зиян, әрқайсысы 5 миллион теңгеден төлеуі тиіс.
Сот үкімі әлі заңды күшіне енген жоқ.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
