22 маусым 2019 | 12:56

Алматы облысында ірі көлемде есірткі тәркіленді

Айдос Қосыбаев

Алматы облысында "Допинг" алдын-алу шарасы аясында полицейлер назарына ер адам іліккен, - деп хабарлайды "Хабар 24".

Алматы облысында "Допинг" алдын-алу шарасы аясында полицейлер назарына ер адам іліккен, - деп хабарлайды "Хабар 24".

Күдіктіні ұстау үшін Қарасай ауданы Алмалыбек ауылының маңында арнайы операция ұйымдастырылды. Нәтижесінде Тараз қаласының 56 жастағы тұрғыны ұсталды. Оның сөмкесінен 56 келі көкнәр табылған. Тексере келе оның бұған дейін де қылмыстық жауапкершілікке тартылғаны анықталды. Осы оқиғаға қатысты облыстық полиция департаментінде қылмыстық іс қозғалды.

"Есірткі буып түйілген күйінде үш үлкен сөмкеге салынған. Есірткінің қайда өсірілгенін және қайда жөнелту жоспарланғаны сотқа дейінгі тергеу амалдары кезінде анықталатын болады. Қазіргі таңда күдікті уақытша ұстау оқшаулау орталығына қамалды", - деді облыстық ПД ресми өкілі Серік Үпиев.

Құқық қорғау органдары соңғы жаңалықтар Есірткі Алматы облысы

TENGRI travel