+7 (777) 001 44 99
Қазақша
Русский
English
Алматыда заманауи технологияларды пайдаланатын телефон алаяқтары көбейіп келеді, - деп хабарлайды Tengrinews.kz тілшісі Алматы қаласының прокуратурасына сілтеме жасап.
Ведомствоның баспасөз қызметінің мәліметінше, алаяқтар өздерін прокуратура қызметкері ретінде таныстырып, қадағалау органының алдағы тексерулері туралы айтып адамдарды адастырып жатыр.
"Алаяқтар тексеру жақсы жүргізілуі үшін банк шотына ақшалай сыйақы аударуды сұрайды", - деп хабарлады Алматы прокуратурасының баспасөз қызметі.
Тағы бір жағдайда, азаматтарға телефон соғып, оларға банк шоттарының бұзылғанын немесе атына несие ресімдеу әрекеті жасалғанын хабарлайды.
"Мұндай әрекеттерді жою үшін олар тиісті алгоритм ұсынады. Алаяқтардың айтуынша, шот иелеріне арнайы қауіпсіздік коды жіберіледі, олар соны бізге айт деп талап етеді. Бұл ретте абоненттердің ұялы телефондарында арнайы құралдардың көмегімен құқық қорғау органдарының нөмірлері анықталуы мүмкін. Осыны пайдаланған қылмыскерлер өз сөздерінің растығын дәлелдеу үшін құқық қорғау органдарының ресми сайттарында ақпаратты (қызметкерлердің аты-жөні, нөмірлері) тексеруді ұсынады. Осыған сенген адамдар алаяқтардың құрбаны болуы мүмкін", - деді департамент.
Алматы прокуратурасы айтылған ақпаратты ескеріп қырағы болуды және аталған қылмыстық әрекеттерге бой алдырмауды сұрайды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
