Алматыда 12 жыл бойы іздеуде жүрген әйел ұсталды

Маңғыстау полицейлері 12 жыл бойы іздеуде болған әйелді ұстады, - деп хабарлайды Tengrinews.kz тілшісі Рolisia.kz сайтына сілтеме жасап.

Маңғыстау облысы Полиция департаментінің Криминалдық полиция басқармасының қызметкерлері Алматы қаласында күдікті әйелді ұстаған.

"54 жастағы әйел, Батыс Қазақстан облысының тумасы, ҚР ҚК-нің 190-бабы 3-бөлігінде ("Алаяқтық") көзделген қылмыс жасағаны үшін 12 жыл бойы іздеуде болды. Ол осы уақытқа дейін Алматы қаласының аумағында жалған құжаттармен өмір сүрген", - делінген полиция хабарламасында.

Тәртіп сақшылары оны Алматы қаласының ПД уақытша ұстау изоляторына қамауға алды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!