+7 (777) 001 44 99
Қазақша
Русский
English
Алматыда қоғамдық көлікте ұрлық жасаған екі адам ұсталды, - деп хабарлайды Polisia.kz.
Олардың бірі 30 жастағы А. есімді азамат №86 қоғамдық көлікте ұрлық жасағаны үшін ұсталған. Қаскөйдің олжасы Samsung телефоны болды.
"Күдікті қоғамдық көлік жолаушысына 300 мың теңге көлемінде материалдық шығын келтірді. Ұрының қарбалас уақытта автобустарға мініп, жолаушылардың қалтасын тексеріп, қоғамдық көліктің бір басынан екінші жағына дейін жүргенін арнайы топ қызметкерлері жедел түрде анықтады. Қазіргі уақытта Жетісу аудандық Полиция басқармасы соталды тергеу амалдарын жүргізіп жатыр.
Алматының Наурызбай ауданында осыған ұқсас сценарий бойынша әрекет еткен тағы бір оңай ақшаны ұнататын азамат ұсталды. 40 жастағы К. есімді азамат, №15 автобуста қарт әйелдің сөмкесінен ұялы телефонын ұрлап кеткен. Бұл сәт бейнебақылау камерасына түсіп қалған. Тергеудің қазіргі кезеңінде бұл күдіктінің осыған ұқсас үш қылмысқа қатысы бар екені анықталды", - деді Алматы қалалық ПД Криминалдық полиция басқармасының бастығы Қуатбек Науатов.
Екі күдікті де уақытша ұстау изоляторына қамалған.
Сурет: polisia.kz
Сілтемесіз жаңалық оқисыз ба? Онда Telegram желісінде парақшамызға тіркеліңіз!
