Алматыда қоғамдық көлікте ұрлық жасаған 29 жастағы ер адам ұсталды, - деп хабарлайды Tengrinews.kz тілшісі Polisia.kz сайтына сілтеме жасап.
Қалалық криминалдық полицияның арнайы тобы мен Жетісу аудандық ішкі істер бөлімінің қызметкерлері Әуезов ауданының бұрын сотталған тұрғынын ұстады. Ер адам жолаушының қалтасынан қымбат ұялы телефон ұрлады деген күдікке ілінді.
Күдікті қамауға алынып, телефон тәркіленді. Қазіргі уақытта соталды тергеу амалдары жүргізіліп жатыр. Сонымен қатар, полицейлер азаматтың қала аумағында басқа да ықтимал қылмыстарды жасауға қатыстылығын анықтап отыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
