+7 (777) 001 44 99
Қазақша
Русский
English
Қазақша
Русский
English
Алматыда полицейлер қалалық автобустардағы қалта ұрыларын ұстады. Бұл туралы Алматы полиция департаменті бастығының тергеу жұмысы жөніндегі орынбасары Рустам Абдрахманов Instagram-парақшасында айтты, - деп хабарлайды Tengrinews.kz тілшісі.
Құқықбұзушылар №7 және №57 бағытын таңдаған. Олар әйелдер мен мектеп оқушыларының қалталарына түскен, ер адамдарды тонамаған.
Ұрылар ұсталған. Әйел қарбалас уақытында қалтасынан телефонын ұрлап жатқанын байқаған. Күдіктілер қарсылық көрсетуге және оқиға орнынан жасырынуға тырысқан. Алайда екеуі де ұсталып, ұялы телефон заттай дәлел ретінде тәркіленген. Сондай-ақ, автобуста орнатылған бейнебақылау камерасынан алынған мәліметтер бұлтартпас дәлел ретінде саналады.
Қазір ұсталғандарға қатысты сотқа дейінгі тергеу амалдары жүргізіліп жатыр. Олардың біреуі - 30 жаста, екіншісі - 31 жаста. Күдіктілер қамауға алынды. Олардың басқа да қылмыстарға қатысы бар-жоғы анықталып жатыр.
Ұсталғандардың екеуі де осындай қылмыстар үшін бірнеше рет сотталған. Полиция осы адамдардың әрекеттерінен зардап шеккен азаматтардан 8 775 117 00 06 және 8 747 133 84 44 телефондарына қоңырау шалуын сұрады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
