+7 (777) 001 44 99
Қазақша
Русский
English
Алматыда "Айка-мажор" лақапатымен танымал әйел тағы пышақпен шабуыл жасады деген күдікпен ұсталып, тергеу изоляторына қамалды. Бұл туралы Алматы Полиция департаменті бастығының тергеу жұмысы жөніндегі орынбасары Рустам Әбдірахманов Facebook-парақшасында жариялады, - деп хабарлайды Tengrinews.kz тілшісі.
32 жастағы әйел бірнеше рет бұзақылық, зорлық-зомбылық жасады және қоғамдық тәртіпті бұзды деген күдікке ілінген.
"Айка-мажор" департаменттің уақытша ұстау изоляторына қамалды. ҚР ҚК-ның 293-бабы 3-бөлігінде көзделген қылмысты жасағаны үшін айып тағылған азамат ҚР Қылмыстық-процессуалдық кодекстің 128-бабына сәйкес ұсталды. Қазір істің мән-жайын анықтау үшін тергеу жүргізіліп жатыр", - деп жазды Рустам Әбдірахманов.
Айта кетейік, 2020 жылғы қыркүйекте Алматыдағы нысандардың бірінде қызға бірнеше пышақ жарақатын салғаны туралы хабар тараған еді. Жәбірленуші бұл оқиғаны әлеуметтік желіде жариялады. Ол құқықбұзушы "Айка-мажор" екенін айтты. Сол кезде полиция күдіктінің ұсталғанын хабарлаған болатын.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
