18 ақпан 2020 | 15:09

Алматыда бірнеше адамды қасақана қағып кеткендерге қатысты сот үкімі шықты

Былтыр Алматыда Гагарин даңғылында бірнеше адамды аяусыздықпен қағып кеткендер 15 жылға сотталды, - деп хабарлайды Tengrinews.kz тілшісі сот залынан.

Былтыр Алматыда Гагарин даңғылында бірнеше адамды аяусыздықпен қағып кеткендер 15 жылға сотталды, - деп хабарлайды Tengrinews.kz тілшісі сот залынан.

Соттың үкімімен, Жандос пен Дінмұхамед Әлікеев "Бұзақылық және "Адам өлтіруге оқталу" баптары бойынша айыпты деп танылды.

"Жандос Әлікеев айыпты деп танылып, 4 жылға бас бостандығынан айырылсын, жазасын қылмыстық атқару жүйесі мекемесінің орташа қауіпсіздік мекемесінде өтесін.

Дінмұхамед Әлікеев айыпты деп танылып, 11 жыл 8 айға бас бостандығынан айырылсын, жазасын қылмыстық атқару жүйесі мекемесінің орташа қауіпсіздік мекемесінде өтесін.", - деді қылмыстық істер жөніндегі мамандандырылған ауданаралық сотының судьясы..

Оқиға былтыр 26 тамызда таңғы 5-те Гагарин даңғылында болған. Әлеуметтік желілерде жарияланған роликтен ақ түсті Toyota Camry көлігінің ер адамдардың бірін қағып кете жаздағаны көрінеді. Кейін қара түсті Toyota Avensis үш ер адамды қасақана қағады. Зардап шеккендер: Сергей Хан, Еркен Сәрсенбаев және Станислав Алиев. Олар түрлі жарақат алған.

Полиция мәліметінше, олардың ерегесіне екі топтың арасында шыққан жанжал себеп болған.