+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматыда букмекерлік кеңсеге қарақшылық шабуыл жасаған күдіктілер ұсталды, - деп хабарлайды Tengrinews.kz тілшісі қалалық полиция департаментіне сілтеме жасап.
Алматыда букмекерлік кеңсеге қарақшылық шабуыл жасаған күдіктілер ұсталды, - деп хабарлайды Tengrinews.kz тілшісі қалалық полиция департаментіне сілтеме жасап.
Күдіктілер 1989, 1992, 1996 жылғы үш ер адам. Оның екеуі - Қарағанды облысының тұрғындары, тағы біреуі - Өзбекстан Республикасының тумасы. Осы істің фигуранттарын алматылық құқық қорғау органдары қызметкерлері Қарағандыдан ұстады.
"Қазіргі уақытта күдіктілер тергеу шараларын жүргізу үшін Алматыға жеткізілді және қамауға алынды. Сотқа дейінгі тергеу шаралары ҚР Қылмыстық кодексінің 192-бабы 2-бөлігі бойынша жүргізіліп жатыр", - делінген полиция хабарламасында.
Ескерту! Видеода зорлық белгілері бар!
Еске салайық, Алматыда букмекерлік кеңсені тонау әрекеті видеоға түсіп қалған. Ұрылар мекемеге кіре салып, күзетшіні ұрып-саққан. Алматыда тонаушылар оңдырмай сабап тастаған букмекерлік кеңсенің күзетшісі Қайрат Елтімбаев шабуылдағандардың бірімен таныс екенін мәлімдеді.
37 жастағы ер адамның айтуынша, шабуылдаған үшеу күзетшінің қайда екенін бірден біліп, соған беттеген. Қаскөйлер қызметкерді темірмен ұрып, басын жарған. Елтімбаевтың қолы сынып, миы шайқалған. Басындағы бірнеше жараны дәрігерлер тіккен.
Қайрат Елтімбаевтың айтуынша, дабыл батырмасы оның белбеуінде болған, бірақ шабуыл кезінде үзіліп, шетке қарай ұшып кеткен. Ер адамның оған қолы жетпеген.
Оқиғаның видеосы әлеуметтік желілерде таралған болатын.
