+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматыда қызды кездесуден кейін зорлап кеткен. Бұл туралы әлеуметтік желіде "Не молчи" ұйымының негізін қалаушы Дина Смаилова айтты, - деп хабарлайды Tengrinews.kz тілшісі.
Алматыда қызды кездесуден кейін зорлап кеткен. Бұл туралы әлеуметтік желіде "Не молчи" ұйымының негізін қалаушы Дина Смаилова айтты, - деп хабарлайды Tengrinews.kz тілшісі.
Дина Смаилова Facebook-те жазба жариялады. Онда қыз өзін зорлаған адаммен әлеуметтік желіде танысқанын айтқан.
"Алматыда жас қыз Instagram арқылы жігітпен танысады. Олар екі апта бойы хат алмасып тұрған. Жігіт қызбен кездесу күнін белгілейді. Алдымен олар жігіттің көлігімен бургер сатып алуға барады. Кейін Весновкаға барады. Басында бәрі жақсы болады. Алайда қыз жігіттен өзін үйіне апаруды сұрағанда ол оған оны зорламақ болғанын ашық айтады.
Ол қызды зорлап ұрып-соғады. Кейін оны үйіне апарып тастауға уәде береді. Алайда жігіт қызды Розыбакиев көшесімен үйіне апара жатқан кезде ол ашуға ерік береді. Ол көлікті құрылысы жүріп жатқан нысанға бұрып, қызды қайта зорлайды. Оны 4 рет тұншықтырып, өлтіріп тастайтынын айтады. Ол қызға жазадан құтылып кететінін, әкесі бұрынғы полицей екенін айтады. Тіпті, оған әкесі 2 рет жазадан құтылуға көмектесіпті. Сондай-ақ, жігіттің ағасы прокуратурада жұмыс істейді екен", - деп жазды Смаилова.
Оның айтуынша, қыз жігіттен қашып құтылған. Кейін полицияға арыз жазған.
Алматы қаласы полиция департаменті болған жағдайға қатысты түсінік берді.
"Қазіргі таңда бұл факт бойынша Бостандық аудандық полиция басқармасы ҚР Қылмыстық кодексінің 120-бабы ("Зорлау") бойынша тергеу жүргізіп жатыр. Күдікті ұсталып, қылмыстық жауапкершілікке тартылады. Істі тергеу аясында бірқатар сараптама тағайындалды, олардың нәтижесі бойынша процессуалдық шешім қабылданды. Тергеу қалалық полиция департаменті басшылығының бақылауында", - делінген хабарламада.
Қазақстан жаңалықтары. Соңғы жаңалықтар. Telegram желісінде бізге жазыл!
