+7 (777) 001 44 99
Қазақша
Русский
English
Алматыда жасырын казино ұйымдастырған ер адам 4 жыл және 2 айға бас бостандығынан айырылды, - деп хабарлайды Tengrinews.kz тілшісі Қаржы мониторинг комитетінің баспасөз қызметіне сілтеме жасап.
Күдікті төтенше жағдай режимі кезінде заңсыз ойын бизнесін ұйымдастырған.
Мамырда жүргізілген жедел-тергеу іс-шаралары барысында Алматыда "Ойын бизнесі туралы" заңның талабын бұзған жасырын казино анықталды.
Тексеру кезінде мекемеде ойыншылар мен жұмысшылар болған, әрі покер үстелі, 13 дана ойын автоматы, рулетка үстелі, сондай-ақ, компьютерлік техника, ноутбук, теледидарлар және ұлттық және шетел валютасындағы ақша тәркіленген.
"Алматы қаласы Алмалы аудандық сотының үкімімен жасырын казино ұйымдастырушы ҚР Қылмыстық кодесінің 307-бабы 3-бөлігінің 2-тармағына ("Аса ірі мөлшерде табыс табу және заңсыз ойын бизнесін ұйымдастыру") сәйкес кінәлі деп танылды. Оған 4 жыл және 2 айға бас бостандығынан айыру жазасы тағайындалды", - делінген хабарламада.
Қазақстан жаңалықтары. Соңғы жаңалықтар. Telegram желісінде бізге жазыл!
