+7 (777) 001 44 99
Қазақша
Русский
English
Қазақша
Русский
English
Алматыда қылмыстық топ бақылаудағы компаниялар арқылы ұйымдарға салық төлеуден жалтару бойынша көмектескен, - деп хабарлайды Tengrinews.kz тілшісі қаржы мониторингі агенттігінің баспасөз қызметіне сілтеме жасай отырып.
Алматыда материалдық сыйақы үшін жалған шот-фактуралар мен бухгалтерлік құжаттар жасаумен айналысқан, құрамында жеті адам бар қылмыстық топқа қатысты сотқа дейінгі тергеу аяқталды.
"Бұл тұлғалар 2018 жылдан бастап 2020 жылға дейін коммерциялық ұйымдарға жалпы сомасы 3 миллиард теңгеден асатын 4 коммерциялық компания арқылы салық төлеуден жалтару бойынша көмектесті. Сондай-ақ, айыпталушылар тұрғылықты жерінде салмағы 849 грамм болатын тыйым салынған "марихуана" есірткісін өсіргені анықталды", - делінген хабарламада.
Сот үкімімен айыпталушылар Қылмыстық кодекстің 216-бабы 3-бөлігі "Іс жүзінде жұмысты орындамай шот-фактура жазу бойынша іс-әрекеттер жасау" бойынша кінәлі деп танылып, оларға 3 жылдан 4,8 жылға дейін түрлі мерзімге бас бостандығынан айыру жазасы тағайындалды.
Алматы полициясы тыйым салынған есірткі заттарына қатысты істі тергейді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
