+7 (777) 001 44 99
ПОДЕЛИТЬСЯ
Қазақстандық белгілі продюсер әрі режиссер Андрей Кузьминді (телекөрермендерге Superstar.kz және X-Factor жобалары арқылы таныс) Алматыда әйелі мен балаларының көзінше автобустың билет тексерушілері соққыға жыққан, деп хабарлайды Tengrinews.kz "Экспресс-К" газетіне сілтеме жасай отырып.
Қазақстандық белгілі продюсер әрі режиссер Андрей Кузьминді (телекөрермендерге Superstar.kz және X-Factor жобалары арқылы таныс) Алматыда әйелі мен балаларының көзінше автобустың билет тексерушілері соққыға жыққан, деп хабарлайды Tengrinews.kz "Экспресс-К" газетіне сілтеме жасай отырып.
Бұл оқиға 1 маусым күні болды. Андрей, әйелі және алты жасар қызы Ева мен үш жасар Илеананы ертіп №45 автобусқа отырады. Андрейдің әйелі жол ақысын валидатор арқылы төлемек болып, екі адам үшін 160 теңге салғанда валидатор екі билет бермей, бір жарым билет шығарады.
Аялдамалардың бірінде автобус салонына билет тексерушілер кіріп, Андрейде екі билет болмағандықтан күштеп отбасымен автобустан шығарып жіберген. Автобустағы басқа жолаушылар Андрейді жақтап, жағдайды түсіндірмек болғанда билет тексерушілер олардың сөзіне құлақ аспаған көрінеді.
Билет тексерушілер өздерінің әрекеттерін қалтафондарына видеоға түсірген. Андрей осы бейнежазбаға кедергі келтірмекші болғанда тексерушілердің бірі оның жағынан ұрып жіберіпті. Қатты соққы алған Андрейге жедел жәрдем шақырылды, ал билет тексерушілерді оқиға орнына шақырылған патрульдік полиция қызметкерлері алып кетті. Кузьмин өзін жәбірлеушілердің үстінен полицияға арыз жазды.
Ал автопарк пен әкімшілікте осы оқиғаға байланысты ешқандай түсініктеме берілмей отыр.
