Алматыда сауда орталығындағы ломбардқа жасалған қарақшылық шабуыл: Күдікті ұсталды

09 Қаңтар 2018, 09:51
0
Алматыда сауда орталығындағы ломбардқа жасалған қарақшылық шабуыл: Күдікті ұсталды -

Алматыда желтоқсанның соңында сауда орталығындағы ломбардқа жасалған қарақшылық шабуылдың мән-жайы белгілі болды. Бұл туралы Tengrinews.kz тілшісіне Бостандық аудандық ІІБ басшысы Дәурен Өтебаев айтып берді.

Осы қылмысты жасады деген күдікпен жұмыссыз жүрген 1986 жылғы ер адамның ұсталғаны хабарланды.

"Алғашқы тергеу шаралары барысында ер адам ломбардқа шабуыл жасауды жоспарлағанын және сол ломбардқа осыған дейін бірнеше рет алтын бұйымдарды өткізіп жүргенін мойындады. Қазіргі уақытта ұрланған заттардың бір бөлігі тәркіленді, ал біраз ақшаны ол жеке қажеттіліктеріне жұмсап үлгерген. Күдікті ІІД уақытша ұстау изоляторына қамалды", - деп хабарлады Бостандық аудандық ІІБ басшысы Дәурен Өтебаев.

Еске сала кетейік, 27 желтоқсанда шамамен таңғы сағат 11-де медициналық бетперде киген белгісіз ер адам Алматыдағы "Орбита" ықшамауданында орналасқан ломбардтан алтын бұйымдар, макбук және құны 7 миллион теңге болатын ұялы телефон алып кеткен болатын.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай