+7 (777) 001 44 99
Қазақша
Русский
English
Алматыда сот төрағасына қатысты алаяқтық жасады деген күдікпен қылмыстық іс қозғалды, - деп хабарлайды Tengrinews.kz тілшісі қалалық соттың баспасөз қызметіне сілтеме жасап.
Алматы қалалық сотының ішкі қауіпсіздік бөлімі мен Алматы бойынша ҰҚК департаменті Медеу аудандық сотының төрағасына қатысты бірлескен тексеру жүргізді.
"Нәтижесінде ҰҚК департаменті Қылмыстық кодекстің 190-бабы 4-бөлігінің 2-тармағы ("Алаяқтық" - ескерт.) бойынша сотқа дейінгі тергеп-тексеруді бастады. Бас прокурор соталды тергеуді жалғастыруға келісім берді.
Сот төрағасы мүдделі тұлғаларға олардың пайдасына сот шешімдерін шығаруға көмек көрсетумен байланысты алаяқтық әрекеттер жасады деп күдікке ілінді", - деді сотта.
Тінту кезінде одан қомақты сомадағы ақша табылып, тәркіленген.
Қалалық сот мәліметтері бойынша, басқа ақпарат тергеу мүддесі үшін жария етілмейді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
