+7 (777) 001 44 99
Қазақша
Русский
English
Алматыда ұрланған мылтық пен оқ-дәрілер қоймасы табылды, - деп хабарлайды Tengrinews.kz тілшісі Polisia.kz сайтына сілтеме жасап.
Құпия орын Шаңырақ ықшамауданындағы жеке тұрғын үйдің еденінің астына салынған. Онда тәртіпсіздікке және қару-жарақ дүкенін тонауға қатысқан төрт адам ұрланған қару-жарақ пен оқ-дәрілерді сақтаған.
"Тінту кезінде оқтары бар екі мырыш, 12 РГД және Ф-1 гранатасы, АК-47-ге арналған екі патрон, оқ өткізбейтін киім, қалқандар, дулығалар, РПГ снаряды, тегіс ұңғылы мылтық, тоғыз мылтық және т.б. табылды.
Айғақты заттар тергеу-жедел тобымен процессуалдық тәртіпте тәркіленді. Қылмыстық іс ҚР ҚК-нің 188-бабы 3-бөлігімен және ҚР ҚК-нің 291-бабы 1-бөлігімен тіркелді. Күдіктілер уақытша ұстау изоляторына қамалды", - деді, Алматы қалалық полиция Департаменті бастығының орынбасары Берік Әбілбеков.
Әбілбековтің айтуынша, ұсталғандар арсенал табылған жалдамалы үйде бірге тұрған. Олардың жасы 27, 35, 39-да.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
