Алматылық жезөкше жаңа туған баласын 2000 долларға сатпақ болған

16 Наурыз 2017, 10:02
0
Алматылық жезөкше жаңа туған баласын 2000 долларға сатпақ болған -

Алматыда Ұйымдасқан қылмыстық топпен күрес басқармасының қызметкерлері жаңа туған баласын сатпақ болған әйелді ұстады, - деп хабарлайды Patrul.kz.

Қызылорда облысының 1994 жылғы тумасы күйеуімен және тағы 2 және 3 жасар балаларымен жалдамалы пәтерде тұрған. Басылымның мәліметінше, ол үшінші сәбиін дүниеге әкелгісі келмеген. Бірақ жүктілігін білген сәтте ол сәбиінен пайда көрмек болған. Осылайша, күйеуінен рұқсат алған әйел баласын сататынын айтқан.

Сондай-ақ, басылымның мәліметінше, әйел жезөкшелікпен айналысқан. Соған байланысты Түрксіб аудандық ІІБ-де бірнеше рет болған.

Осылайша, оған бір адам сәбиді "сатып алушы" ретінде жіберіледі. Содан ол сәбиді 2000 долларға алып кетуге болатынын айтып, олар өзара келіседі.

Айта кетейік, Қызылорда тумасы 7 наурызда Алматы облысында салмағы 4 келі 165 грамм, бойы 55 сантиметр сәбиді дүниеге әкелген. Ал екінші күні ол үйіне келе салып, "сатып алушыны" шақырған. Жаңадан босанған әйел сәбиінің ақшасын сол пәтерде алып қалған. Ол 290 000 теңге алған. Сонымен қатар, олар қолхат жазған.

Сол сәтте пәтерге Ұйымдасқан қылмыстық топпен күрес басқармасының қызметкерлері кіріп келген. Олар заңсыз түрде жасалған келісімшартты тіркеді. Осыған байланысты баласын сатпақ болған әйел ҚР Қылмыстық кодексінің 135-бабының 1-бөлігі бойынша ("Кәмелетке толмағандар саудасы") қылмыстық жауапкершілікке тартылды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай