+7 (777) 001 44 99
Қазақша
Русский
English
10 қазан 2022 | 12:53
Антикор өкілдері "Алматыэлектротранс" басшысына қатысты істің мән-жайын айтты
Сыбайлас жемқорлыққа қарсы іс-қимыл агенттігі өкілдері "АлматыЭлектроТранс" ЖШС бас директоры Бекмырза Игенбердиновке қатысты тергеудің егжей-тегжейін айтты, - деп хабарлайды Tengrinews.kz тілшісі.
ПОДЕЛИТЬСЯ
Сыбайлас жемқорлыққа қарсы іс-қимыл агенттігі өкілдері "АлматыЭлектроТранс" ЖШС бас директоры Бекмырза Игенбердиновке қатысты тергеудің егжей-тегжейін айтты, - деп хабарлайды Tengrinews.kz тілшісі.
Агенттік мәліметінше, ведомствоның Алматы бойынша департаменті Игенбердиновтің кәсіпкерлік субъектісі өкілінен 150 мың доллар көлемінде пара алғанын, атқарылған жұмыстар актісіне қол қойып, бұрын жасалған келісімдер бойынша ақша аударғанын әшкерелеген.
30 қыркүйекте оған қатысты сот "қамауда ұстау" түріндегі бұлтартпау шарасын санкциялаған.
Алматы қалалық сотының баспасөз қызметі 30 қыркүйекте Алматының мамандандырылған ауданаралық тергеу соты күдікті Игенбердиновке қатысты екі айға дейінгі мерзімге қамауда ұстау туралы өтінішті қанағаттандырғанын растады.
Еске салайық, бұған дейін "Алматыэлектротранс" ЖШС бас директоры жұмыстан босатылғаны туралы хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
