+7 (777) 001 44 99
Қазақша
Русский
English
Ақмола облысында ұрлық жасады деген күдікпен ер адам ұсталды, - деп хабарлайды Tengrinews.kz өңірдің ІІД баспасөз қызметіне сілтеме жасап.
Полицейлердің айтуынша, 11 қазанда Көкшетау ІІБ-нің кезекші бөліміне орталық базардағы дүкеннің сатушысы хабарласқан. Арыз берушінің айтуынша, белгісіз бірек оның 350 мың теңгесін ұрлап кеткен.
"Айыпталушы, сатушының жұмыс орнында жоқтығын пайдаланып ақша салынған қорапшаны алып кеткен. Ол қашып бара жатып ұрланған ақшаның жартысын түсіріп алған. Осы оқиғаны көрген куәгерлер таңғалған. Қылмыскер оқиға орнынан ізін суытқан. Бірақта полицейлер ебедейсіз ұрыны ұстаған", - деді баспасөз қызметіндегілер.
Полиция қызметкерлері облыс орталығының 38 жастағы тұрғынын ұстаған. Ол бұрындары сотталған болып шықты. Ұрының кім екенін анықтауға дүкендегі бейне бақылау камералары көмек болған. Қазіргі уақытта сотқа дейінгі тергеу шаралары ҚР Қылмыстық кодексінің 188-бабы ("Тонау") бойынша жүргізіліп жатыр. Айыпталуыш өз кінәсін толығымен мойындады.
