+7 (777) 001 44 99
Қазақша
Русский
English
Ақмола облысында белгісіз біреулер төлем терминалындағы ақшаны ұрлап кетті, - деп хабарлайды Tengrinews.kz тілшісі облыстық ішкі істер департаментінің баспасөз қызметіне сілтеме жасап. Терминалда қанша ақшаның болғаны әзірше белгісіз.
Баспасөз қызметінің мәліметінше, 4 ақпан күні сағат 16.15-те Аршалы аудандық ішкі істер бөліміне 29 жастағы азамат белгісіз біреулердің төлем терминалындағы ақшаны алып кеткені туралы хабарлаған. Жігіт таңертең дүкеннің жанындағы терминалдың жұмыс істеп-істемей тұрғанын тексеру үшін барып, аппарат жақтарының бұзылғанын байқаған.
"Тексеріс барысында дүкеннің екі айдан бері жұмыс істемей тұрғаны анықталды. Терминалдың бүлінгенін байқаған Аршалының тұрғыны бірден полицияға хабарлады", - делінген хабарламада.
Қылмысты жасағандарды анықтау үшін арнайы топ жасақталды. Сонымен қатар, терминал орналасқан аймаққа жақын жердегі үй-үйлерді аралау жұмыстары жүргізіліп, бұрын сотталғандар мен ішкі істер бөлімінің есебінде тұрғандар тексеріліп жатыр.
