Астана орталығында жезөкшелердің пәтері анықталды

20 Сәуір 2017, 13:15
0
Астана орталығында жезөкшелердің пәтері анықталды - Фото с сайта srbijadanas.comkz
Фото с сайта srbijadanas.comkz

Астаналық полицейлер қала ортасынан интим қызметтер үшін жалға берілген пәтерді анықтады, - деп хабарлайды Tengrinews.kz тілшісі қалалық ІІД-нің баспасөз қызметіне сілтеме жасап. 

Полицейлердің мәліметі бойынша, Қонаев көшесіндегі пәтер көршілердің шағымынан кейін тексерілген. Тексеріс кезінде пәтердің интим қызмет көрсетушілерге тәулікке жалға берілетіні белгілі болды. 

Жалға берушіге қатысты ҚР Әкімшілік құқық бұзушылық туралы кодексінің 450-бабы ("Көрінеу жезөкшелікпен айналысу немесе жеңгетайлық үшін үй-жайлар ұсыну") бойынша хаттама толтырылды. Кейін сот шешімімен пәтер иесіне 150 АЕК көлемінде айыппұл салынып, жеке кәсіпкерлігі бір айға тоқтатылды. 

Сонымен қатар, полицейлер жыл басынан бері 40 мың ұсақ әкімшілік құқықбұзушылық анықтаған. 

Соның ішінде, қоғамдық орында алкоголь ішімдіктерін ішу мен мас күйде болғаны үшін 6 600 адам. Ұсақ бұзақылық үшін 1 600 адам. Тыйым салынған жерде темекі шеккен сегіз мыңнан астам адам жауапқа тартылған. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай