+7 (777) 001 44 99
Қазақша
Русский
English
Астанада полицейлерге қарсылық көрсеткен жастар дөкейдің балалары емес. Бұл туралы Астана қалалық ІІД өкілдері мәлімдеді, - деп хабарлайды Tengrinews.kz тілшісі.
"28 ақпанда интернет-ресурстарда "Золотая молодежь устроила скандал полицейским" деген тақырыппен видеоролик пайда болды. 26 ақпанда түнгі сағат 2.00-де Астана қалалық ІІД Жедел басқару орталығының "102" нөміріне белгісіз біреулердің тыныштықты бұзып, тұрғындардың демалуына кедергі жасап жатқаны жайлы хабар келіп түсті. Шақыртуға "Сарыарқа" аудандық "Ырғыз" автопатрулі жіберілді", - дейді полицейлер.
Полицейлер оқиға орнына келгеннен кейін 8 жігітті анықтаған. Жол-патрульдік полициясының қызметкерлері өздерін таныстырып, олардан құжат сұраған. Алайда жігіттер былапыт сөз айтып, құжат көрсетуден бас тартқан. Кейін біреуі тіпті көлікпен жасырынбақшы болған, алайда ол ұсталып, Сарыарқа аудандық ІІБ-ге жеткізілген.
Осыдан кейін құқық қорғау органдарының қызметкерлері жігіттердің Қостанай облысының тумалары екенін анықтаған. Олардың ата-аналары жеке кәсіпкерлер, жанармай құю бекетінің операторы, ЖШС жүргізушісі, есепші және тіпті араларында жұмыс істемейтіндері де бар екен.
Соңында қоғамдық тәртіпті бұзғандар әкімшілік жауапқа тартылған.
