Астанада сотталған адамның туысы түрмеге торттың ішіне телефон салып кірмек болған

Нұр-Сұлтан қаласы Қылмыстық-атқару жүйесі департаменті ЕЦ-166/10 мекемесіне сотталған адамның туысы тыйым салынған затты алып кірмек болған, - деп хабарлайды Polisia.kz.

Бұл мекемеде жазасын өтеп жатқан сотталған адамның туысы әкелген торттың ішінен ұялы телефон табылып, тәркіленді. Бастапқыда бүтін секілді көрінген кондитерлік өнім арнайы құрылғы-металлодетектормен тексеру барысында табылды.

"Торт сыйлықты алып келген азаматтың көз алдында кесіліп, оның ішінен тыйым салынған зат жаңа ұялы телефон табылды", - делінген хабарламада.

Бұл дерек бойынша сотталғанды және тортты жеткізген азаматты жауапкершілікке тарту үшін қажет тексерулер жүргізілетін болады.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!